Bortadura
Redatzione
Consulèntzia

Bortadore, intèrprete, redatore e consulente linguìsticu dae 10 annos, agiudo sos clientes meos a giare vida a sas ideas issoro.

Bivo in Lombardia, traballo cun clientes italianos e internatzionales, e oferro onni serv'ìtziu cun esperièntzia ispetzializada e professionale, chi siat pro sa sienda tua, s’ofìssiu, o unu bisòngiu personale.

Bortaduras legalizadas e interpretatziones, redatzione OMC e istrategia de cuntènnidos: totu est resonadu e implementadu IA pro respòndere a sas rechestas tuas.

Unu traballu, ma fatu bene.

traduzione_brianza

10 annos de esperièntzia

·

IA e IBA

·

200+ progetos concluidos

·

Sòtziu TradInfo

·

Bortadore Legale

·

Sòtziu Sardware

·

10 annos de esperièntzia · IA e IBA · 200+ progetos concluidos · Sòtziu TradInfo · Bortadore Legale · Sòtziu Sardware ·

“Ispero chi lu faghides faeddare in Sardu a isse...”
— Antonio Gramsci

Traballo comente bortadore e intèrprete consecutivu in sas limbas chi sighint e, si sa limba tua no s’agatat, non b’at problema: iscrie·mi, e agatamus un* professionista:

Limbas primàrias: Italianu, Sardu, Inglesu, Frantzesu, Russu

Limbas de s*s collaborador*s: Ispanniolu, Tedescu, Grecu

Sas ispetzializassiones meas:

  • Legale e Cuntratos

  • Commèrtziu e Cumprebèndia

  • Turismu & Istrangiadura

Bortaduras legales a rechesta.

Bortadura e Interpretatzione

001.jpg

Redatzione

Pustis meda annos de istùdiu, pràtica e traballu, como apo postu s’esperièntzia mea a servìtziu de sos bisòngios tuos pro totu su chi pertocat su commèrtziu multilimbas in lìnia.

Custu est su chi ti poto offèrrere:

  • Cuntènnidos web

  • Redatzione OMC

  • Iscritura blog e istrategia de cuntènnidos

  • Iscritura EI

  • Iscritura email e pro retes sotziales

  • Revisione professionale

Tenes unas cantas ideas prus fantasiosas?

Iscrie·mi

Custu so deo

So Fortunato, e dae 10 annos agiudo clientes italianos e internatzionales a comunicare in limbas chi no ischint, ma sena pèrdere nudda de sos messàgios originales issoro.

Crèschidu in Sardigna, fintzas dae cando so minoreddu apo cumprèsu chi onni limba agiudat a sestare sa manera tuas de abbaidare su mundu. Custa passione pro sas limbas m’at leadu a primu in Grenoble, e pustis in Mosca, in ue apo acabadu sa maistria in Bortadura Legale e Interpretatzione a s’universidade RUDN. Su chi m’ant giadu custas esperièntzias lontanu dae domo est istada una cabussada totale in culturas noas e cumplessas: apo imparadu chi bortare est prus chi impitare règulas de gramàtica: est istòria, isfumaduras, sentidu.

Oe bivo in Como, unu logu chi istat perfetu in mesu a Milano, s’Isvìtzera e sos mercados europeos, in ue apo creadu EFFE: no est una sienda, ma prus a prestu una rede de ispetzialistas seletzionados. Onni progetu passat a sa persone prus preparada, no a chie est “lìber* como”.

Proite sos clientes m’ant seberadu (e torrant a lu fàghere):

  • Dòppia esperièntzia

Bortadore + redatore OMC = iscritura chi giat pretzisione e cumbinchimentu.

  • Ispetzializatzione de sos setores

Non borto “totu su benit”: borto su chi isco.

  • Cumpresa de sas culturas

Itàlia, Sardigna, Fràntzia, Rùssia, Isvìtzera: una cumpresa e unu sentidu chi una IA non podet imitare.

  • Rede seletzionada

Chie traballat cunmegus est verificad*: esperientzia, fiàntzia, resultados.

  • Trasparèntiza totale

As a ischire semper in ue semus, ite semus faghende, ue s’est arrestu su traballu tou, chie est traballende a su progetu tou.

Nara·mi totu!

Si ti serbit un’istima, unu cunsìgiu, o si cheres solu faeddare de sas ideas tuas, prena custu moduleddu in bàsciu: